domingo, 8 de enero de 2017

Bernardo Atxaga: "Eskolak sekulako arazoa dauka..."

Interesgarria, benetan, gaurko BerriaBernardo Atxagari egindako elkarrizketa. Bihar ikastetxeetako ateak berriro zabalik izango ditugunez, hona hemen Atxagak hezkuntzaz, ikasleez eta gizon-emakume politikoz dioena. Hausnarketarako aukera polita.


Juanan Ruiz / Argazki Press
"[...] eskolak sekulako arazoa dauka. Gaurko gazteak, batetik bizi dira mundu zoragarri batean. Mundu guztian bizi dira, dena dute eskura. Japoniako neska batek makillajeari buruz egin duen tutoriala ikusten dute Zalduondon. Alde batera, izugarrizko tresna da, bizimodu kreatiboa asko laguntzen du; baina modu horretan ez dago balio transmisiorik... Ez da hiritarrik egiten, ez da gizon-emakume politikorik egiten, eta, beraz, gizartea ikusten dut flotazioan bezala, arina... Zer egin du eskolak? Botereak? Ez zaio interesatzen pertsona politikoak egotea, pentsatzen dutenak, nortasuna dutenak, zoon politikon-ik. Oso inkomodoa baita aldamenean izatea kritika egiten dizun norbait. Eskolak eta botereak egin du jakintza instrumentala bideratu. Entretenituta daude haurrak, sortzeko ere tira, moldatzen dira, baina ez da subjektu politikorik sortzen gaur egungo eskoletan".

No hay comentarios: